بجد قصيده رائعة جدا جدا ، قصيده راجح العجمي
يقولون ما ل العبد بد عن المقسوم
وأنا اقول صح و يقنع العبد مقسومه
عسي الله يعين اللى توافد علية هموم
هموم تخلى طبله الراس منجومة
تري و الله انه ما يكدر عليك النوم
سوي كلمة من بعض الاصحاب مسمومة
إليا جت من الغالين و إلا الرخوم رخوم
ولا امحق من الغالى اليا شانت علومه
ضعاف الروابع تبتلش و القروم تشوم
ولاهيب لا شامت من الشين مليومة
ولا ازين من القاع الخلا و الوجية سلوم
ولا رفقة مع طول الايام ملغومة
ولا الذ من عشره شريف من اقصي القوم
يبادلك فعل الطيب معناة و سلومه
و الي شفت فجو الصداقه غبش و غيوم
عطيت الدروب اللى مع الارض مرسومة
ولا كعز النفس لو ما معك مطعوم
وعن اهل الشماته خل الاسرار مكتومة
معى لو سمحت شوى عقب عداك اللوم
أبعطيك عن بعض الرياجيل معلومة
تري اللاش لو و قف معك فحياتة يوم
تشوف الردي متبين فية من يومه
