قصص قصيرة للاطفال قبل النوم , حكايات بسيطة للاطفال

الاطفال دايما بيحبو قبل ما ينامو يسمعو حدوتة قبل النوم او يسمعو اغنية من صوت
الام او الاب

قصة القطة المتحيرة

كان فيه قطة اسمها مشمش كانت دايما مش بتحب شكلها ولما كانت بتبص في المراية
كانت بتزعل ان شكلها مش حلو

وكانت علطول بتبص للحيوانات اللي شكلهم حلو وكانت بتتمني يكون شكلها زيهم كدة

يعني مثلا كانت بتبص للعصافير وكانت بتتمني انها تطير زيهم

وكانت بتبص للسمك وبتحسده علي انه حر طليق في المية وكانت بتبقي عايزة تعوم زيه

وكانت برضه بتشوف البط وهو بيعوم في المية وكان نفسها تكون بتعرف تعوم زيهم

وكمان مرة شافت ارنب بينط بسرعة وبياكل الجزر بسنانه وحبت انها تكون ارنب

ولما قررت تعمل زي الارنب الودان بتاعتها مساعدتهاش انها تكون ارنب وصعبت عليها عملية النط

ولما شافت قطيع من الخرفان عجبها شكلهم وقررت انها تكون خروف بس لما دخلت وسطهم
بعض الصوف علي جسمها مخلهاش خروف حقيقي

ومرة كانت ماشية في السوق عجبها شكل الفاكهة فقررت تكون فاكهة جميلة وريحتها حلوة

عشان كدة حطط شوية قشر فاكهة علي راسها

ولما القطة نامت حلمت ان الخرفان جايين عليها وعايزين ياكلوها لما اتحولت لفاكهة وكانت خايفة
جدا ولما صحيت من الحلم فرحت وقالت الحمد لله اني قطة مش فاكهة

قصص قصيرة للاطفال قبل النوم

حكايات بسيطة للاطفال

قصة قصيرة للطفل قبل النوم