يوم السبت 4:19 مساءً 31 أكتوبر، 2020

رواية سلطان الحب

آخر تحديث ب28 اغسطس 2020 الجمعة 12:47 مساء بواسطة مطلق علي

أبطال القصة

عائلة ابو عبدا لله و تتكون من

محمد ابو عبد الله و زوجته نوره ام عبد الله و أولادهم و هم بالترتيب:نجوى متزوجة زوجها اسمه صلاح معلمه ما دة احياء و عيالها سحر و عماد

عبدالله عمره 26 موظف حكومي— هند عمرها23توها متخرجة من الجامعة قسم فنيه

خالد احدث سنه بالجامعة قسم كيمياء — سارة ثانوية عامة — سوسن ثالث متوسط

عائلة سعود السامي عايله غنية جدا جدا و معروفه

الجد سعود السامي تاجر معروف

أبنائه:

1-عبدالعزيز زوجته رجاء ابنائهم

سلطان خريج جامعة كاليفورنيا ما جستير ادارة اعمال29 سنه اعزب موظف بشركات ابوه

فهد23 يدرس بنفس الجامعة قسم هندسه

ناصر22 سنه خريج ثانوي دبلوم حاسب موظف بشركات ابوه

ريم ثانوية عامه

2-عبدالله و زوجته فوزيه ابنائهم

فيصل خريج قانون موظف بشركات العايله 27 سنه

طارق 23سنه طالب بالجامعة قسم محاسبه

منى اول سنه بالجامعة قسم اقتصاد ما لي

أروى 11سنه

3-عبد اللطيف متوفى هو و زوجته ابنائهم

نواف 23 سنه يدرس مع فهد بامريكا

هيفاء ثاني ثانوي

4-فهد و زوجته منيرة بناتهم

اصايل 24 سنه مخطوبة مدرسة تدبير منزلي

العنود اول سنه جامعة قسم تربيه خاصة

4 حنان و زوجها سلمان ابنائهم

وجود ثاني متوسط

وليد و ياسر توأم6 سنوات

5 جواهر و زوجها عادل ابنائهم: الهنوف 7سنوات و مشاري 5 سنوات

بالاضافه الى اشخاص اخرين سيتم التطرق لهم بسياق القصة

أترككم مع اجزاء القصه

الجزء الأول

-مشاعل “يتصل بك”

قامت سارة من النوم و ردت على طول و هي خايفه:

-الو

مشاعل:هاه بشري

سارة: و ش السالفة؟

مشاعل:كم نسبتك؟

سارة بخوف: طلعت النتايج

مشاعل و هي شوي و تطلع من السماعة:يا بردك ياختي النتايج طالعه من الساعة 8 و أنتي لين الحين تشخرين

سارة تناظر الساعة و لقتها10.30

سارة: طيب كم نسبتك؟

مشاعل: 91,21

سارة زين مبروك انك ما نزلتي تحت ال 90

مشاعل و ش هالتناحه الي فيك فزي روحي شوفي نسبتك و قولي لي

سارة: خلاص بروح اشوف نتيجتي و أدق عليك

دورت سارة اللاب توب و ما لقته بمكانه نزلت تحت لقت امها و هند جالسين يتفرجون على موديلات بالنت

هند:سويره قايمه الحين بيموت من الجن الف

أم عبدا لله: سارة و ش فيك؟

سارة ما فيني شي بس النتايج طلعت يلا بشوف نتيجتي

أم عبدا لله لاتخافين ان شاء الله نسبتك زينه

هند: كم رقم جلوسك علشان اطلعها

سارة: قومي انا بطلعها

هند:قلبك قوي اخاف تدوخين علينا

سارة طنشت و مسكت الجهاز و قامت تدور نتيجتها و ما لقت شي

مشاعل اتصلت تتطمن لان سارة طولت

مشاعل: بشري

سارة: قاعدة ادور ما لقيت شي انتي وين لقيتيها

مشاعل: توها ما نزلت بالنت ارسلي رقم سجلك المدني على جوال الوزارة و يرسلون لك نسبتك..

سارة:ok شوي و أدق عليك باي

مشاعل باي

سارة ارسلت رقمها و على طول جاها الرد

سارة: يمه ردوا

أم عبدالله:زين افتحيها خلينا نشوف كم جبتي

سارة خايفه

هند:أشوف انا

رن التليفون و راحت هند ترد و سارة و هي ترجف فتحت الرسالة و على طول شافت نسبتها و كانت95.55 و على طول جلست على الأرض و هي تصيح و تقول لأمها 95 امها قامت تصيح و هند و هي بالصالة: هاه سويره كم امي سارة على الخط تسال

أم عبدالله:95

هند: كذااااااابه

سارة و هي تصيح: و الله العظيم95 و بعد برسل رسالة ثانية =علشان اتأكد

هند: خلصت مكالمتها مع جدتها بسرعة و راحت عند سارة:

اخس يالدافوره و مزعجتنا و نسبتي بتنزل ل80 و ترى امي سارة تقول العشاء عندها اليوم بمناسبة نجاح سارة

أم عبدالله قولي ما شاء الله

عبد الله الي كان داخل المنزل و سامع الصيحة:بشروا نجحت سويره

سارة: ايه نجحت الحمد لله انت بس قل كم النسبة

عبد الله: كم؟

هند: هالدافوره95.55

عبد الله: سويره تغشين من و رانا

سارة: و ليش ان شاء الله

عبدا لله: ما هقيت انك يالداجه تجيبين هالنسبة انا ما اشوفك تذاكرين يعني و شلون جبتيها

سارة: كلن يرى الناس بعين طبعه مومهم تشوفني اذاكر المهم ان به هنا عقل و تأشر على راسها

عبد الله: و الله ما ضنيت ان عندك عقل و إلا معقوله سويره المصرقعه تجيب نسبة اعلى من نسبنا كلنا حتى هنيد حمارة المذاكرة ما جابت هالنسبة بس لاتفرحين خلينا نشوف الشهاده اول

هند: وجع ان شاء الله ذلك و أنا قدامك تقول حماره ثم لاتقارن بيننا حنا علمي و هي ادبي

سارة بعصبيه: هي انت و إياه الثانوية العامة ما بها علمي و أدبي حبيبتي هالسنه الاسئله كانت موت و يكفي حطوا عنها برنامج بالتلفزيون اسئلة النحو و الجغرافيا ما احد عرف يحلها حتى المدرسات ما عرفوا و لا تهون اسئلة التوحيد و الانجليزي و لا تقللون من قدرات غيركم لو سمحتوا

أم عبدالله خلاص عاد البنت نجحت و تستاهل لاتطولون السالفة و هي قصيره

عبدا لله: علشان امي ادبي قاعدة تدافع عن سويره

*****************************************

في بيت =عبدالعزيز السامي ريم تدق على ابوها

أبو سلطان: الو

ريم: هلا يبه و شلونك

أبو سلطان: خير ريوم فيكم شي

ريمافا يبه يعني ما اكلمك الا و فيني شي

أبو سلطان:لا بس مو بالعادة

ريم: لا يبه بس حبيت ابشرك انني نجحت و جبت نسبة زينه

ابوسلطان: زين مبروك

ريم: الله يبارك فيك

أبو سلطان: اجل و أنا ابوك انا عندي شغل مع السلامة

ريم بزعل مع السلامة

ريم بعد ما سكرت راحت لغرفتها و هي متضايقة لان محد اهتم بنجاحها و اتصلت على هيفاء فتاة عمها و قالت لها الخدامه هيفاء نايمه و دقت على منى و طلعت نايمه بعد و هي ما عندها صديقات و بدت تصيح و تواسي عمرها و قامت تغسل و جهها و جلست بسريرها شوي و رن جوالها

ريم بدون ما تشوف من الي داق: الو

سلطان: هلا ريم نايمه؟

ريم: لا

سلطان: هاه طلعت نتيجتك؟

ريم ايه طلعت

سلطان: هاه كم نسبتك؟

ريم:94

سلطان: مبروك بس ليش زعلانه؟

ريم: يعني تتوقع ليش اكيد من اهلك الي ما يحسون و لا يهتمون و لا كأن عندهم فتاة بثالث ثانوي

سلطان:ليش امي و ينها

ريم: نايمه ما بعد قامت

سلطان بشرتي ابوي

ريم: ايه بس و لاعبرني و لا اهتم

سلطان: خلاص ريوم, اليوم انا بفضي عمري لك و أي مكان تبينه بوديك و ش تبين بعد

ريم و هي مو مصدقة الي يقوله سلطان: جد و الله

سلطان: من متى امزح معك

ريم تذكرت ان اليوم الأربعاء و اليوم جمعتهم عند جدهم سعود

ريم:خسارة سلطان اليوم الاجتماع ببيت ابوي سعود

سلطان: موب لازم نحضر اليوم

ريم: لا اليوم بالذات ابوي سعود محرص اننا نحضر

سلطان: ليش

ريم علشان احفاده ناجحين و يبي يحتفل فينا

سلطان و الله من زين الاحفاد عاد

ريم نعم و ش قصدك

سلطان: و لا شي, خلاص نخلي طلعتنا بكره

ريم و هي مبسوطة الله لايحرمني منك يالغالي و الله محد عبرني الا انت

سلطان: خلاص عاد يكفي بربره انا عندي شغل مع السلامة

ريم مع السلامة

سكرت السماعة ريم و هي فرحانة لان به احد عطاها وجه و لو انها ما توقعت ان سلطان الثقيلوالرزين و المتوحش على قولها هو الي يعطيها و جه

**********************************************

دخل ابو عبدالله و معه خالد و كانوا جايين من السوق يشترون اغراض المنزل

خالد: اعوذ بالله احد يتقضى من صباح الله خير لا و بالحر الله يهديك يبه و الله هالماقضي اموت و اعرف وين تروح

عبدالله تروح لبطنك يامال الضعفه يزط ليل و نهار و يقول وين تروح

خالد علبالي ما طعام انت افة المنزل

سارة بس عاد انت و إياه , يبه بارك لي نجحت و جبت نسبة حلوه

أبو عبدالله بشري كم جبتي

خالد: اكيد بالثمانين يعني هالكمخه كم بتجيب لا و ذلك اذا كانت مجتهدة

سارة شوي و تحترق محد كمخه غيرك يالدلخ حبيبي تحسب محد بيجيب نسبة اعلى منك ياابو89

عبد الله:الله يعينك و ش خلاك تحكي بلشت عمرك معها هذه بدون شي لسانها طويل و شلون اذا صارت ناجحة و جابيه نسبه

خالد باستهزاء: ليش الأخت جايبه100

أبو عبدالله:بس عاد انت و إياه كم نسبتك ياساره

سارة تناظر خالد بتكبر و تأشر بيدها علشان تقهره اقل من ال100باربع نسب و نص

خالد باستغراب:95.50

سارة:95.55 مو50

أبو عبدا لله: مبروك تستاهلين

خالد اخاف59

سارة بعصبيه: خير طايحه من عينك و ش قالوا لك غبية و إلا دلخه انت و إياه و إياها من قمت ما سمعت الا تحطيم يعني علشان ما اذاكر كثير على بالكم غبية, لاحبيبي يصبح بمعلومك المذاكرة و تقطيع الكتب مخليتها لأمثالكم الي ما يفهمون بسرعة و يا ليت جت بنتيجة تسوى, يا بابا انا ادري انكم تشوفون نتايجي اول دايم اقل منكم و الي كانت بنظركم شينه بس لاتحسبونه غباء ذلك اسمه تطنيش و بمزاجي يعني الأوقات الي ابي اجيب بها درجات اعرف شلون اجيب و بأقل مجهود بعد و عن اذنك يبه و أنتييمه بروح اكلم مشاعل قبل لا اكمل نومتي و رانا سهرة ببيت امي سارة الليلة و طلعت لغرفتها

خالد: عمي كلتني ببطنها ام لسان

أبو عبدا لله: تستاهلون بدل ما تباركون لأختكم تقومون تتطنزون عليها و تحطمونها

أم عبدالله: صدقت و الله الأول يقول تغشين و الثانية =تستهتر بالأدبي و الثالث عاد كلامه مثل و جهه صدق ما عندكم اسلوب

عبدا لله الي حس انهم شرشحوا سارة بزيادة: ما كان قصدنا بس حنا ما نشوفها تذاكر

أبو عبدالله: حرام عليك و الي سوته بعمرها هالسنه شوي, و الله خفت يجيها شي من قلة الأكل و النوم الى هاللحين و وجهها اشهب من التعب و هم الامتحانات

هند: يبه بس هالشهرين الي شدت على عمرها

أم عبدالله: ليش مستحقرين اختكم انا يوم رحت اسأل عنها المدرسات كلهم قالوا بنتك ذكيه و لو تشد على عمرها تجيب نسبة عاليه بس هي مزاجيه على قولهم

أبو عبدالله: حرام عليكم خربتوا فرحتها و إذا ما راضيتوها اليوم ترى ما ني محاكيكم

خالد: اي صدقت مسكينة مسخرناها مسخره بروح اشوفها

سارة بغرفتها تكلم مشاعل

سارة: الله يبارك فيك يا قلبي ما تقصرين و الله كان و دي تكون نسبنا زي بعض بس ما تدرين عن منال

مشاعل لا جابت مثلي 91 حاف بدون فواصل

سارة زين ما فينا احد تحت ال90 على الأقل ندخل جامعة و حده

خالد دخل على سارة سارة سكري التليفون بكلمك

سارة تناظره بتكبر و تلف و جهها ايه مشاعل و باقي البنات كم جابوا؟

خالد: لو سمحتي يا اخت يمكن احاكيك شوي

سارة بتكبر تهز رأسها بالنفي

خالد: اسف على الي قلته لك

سارة مطنشه و تحاكي مشاعل و ش كنتي تقولين اسفه ما كنت معك به قلق عندي هنا

مشاعل اقول سارونه و ش بتسوين بهالاجازه؟

سارة: الحمدلله و الشكر يعني و ش بسوي اكيد زي العادة بروح اقعد ببيت امي سارة و إذا اهلي بيسافرون بروح معهم

مشاعل: و بتخلين بيتكم و تقعدين طول الصيف ببيت امك سارة بالله ما تملين و لا تطفشين

سارة تناظر خالد الي و اقف قدامها باستهتار: عاد بيتنا حلاته امي و أبوي و إلا الباقين اشباه الاودام ما يسوون شي ثم بيت =امي سارة يشرح الصدر

خالد بعد ما سمع كلام سارة عصب و طلع من غرفتها

مشاعل مو لو انها ساكنه عندكم احسن؟

سارة: و الله هي تقول ما ارتاح الا ببيتي و عماني و عيالهم ما يخلونها كل يوم يزورها واحد منهم

مشاعل: زين انا بخليك الحين بروح اشوف امي تناديني

سارة: يلا اجل مع السلامة

مشاعل مع السلامة

سارة سكرت على نفسها الغرفة و رتبت اغراضها علشان تروح بيت =جدتها و بعد ما خلصت نامت

**********************************************

في بيت =سعود السامي و الي كان جامع عياله و بناته بمناسبة نجاح احفاده

كانوا كلهم جالسين بالصالة الرجال و الحريم الي كانوا متغطين و أكثر السوالف مشتركه

وجود فتاة حنان راحت عند جدها: مشكور يبه عسى عمرك طويل تعيش و تحتفل بأحفادك

طارق هي انتي من لعب عليك و قال ان العزيمة لك

وجود و يدها على خصرها اجل لمن لك انت و وجهك

ناصر: للفتيات الكبار ريوم الي خلصت الثانوي و العنود و منى الي خلصوا اول سنه بالجامعة

فهد: و هيفاء الي راحت ثالث ثانوي

هيفاء تحاكي ريم: بعد عمري فهود ما نساني

ريم انطمي عاد خلينا نشوف شكلها بتصير هوشه

نواف ما بقى الا البزران يالله يافتيات المتوسطة ضفي و جهك

وجود تكفى انت و إياه من زينكم ما لت عليكم اصلا انتوا من كلمكم يالشييف

ناصر اقول انطمي بس و روحي تغطي انتي ما تستحين مثل باقي البنات

وجود ما لك دخل اصلا توني صغيره

ناصر: كبر البقرة و تقول توني صغيره

وجود: بقره بعينك على الأقل اقوى منك ياالبغل

طارق: و ش به البغل الحين طلع و على حبيبتي اصلا البغل يونس البزران بالحدايق يركبون عليه يوسعون صدورهم و يأخذون لفه بالحديقة ياما ركبتيه و أنتي صغار الحين كبر راسك عليه

ناصر و هو بادي يعصب انطم عاد بالبعير

فيصل و الله جبتها صح يا ناصر مع هالبراطم كنه بعير

طارق على هونك يا الدب القطبي

نواف و ش الحكمه من الدب القطبي ليش ما قلت الدب بلحالها

طارق ما ادري و الله بس ممكن نفس نظرة الكآبه الي بو جيههم

عادل ما شاء الله فطين و ش دراك ان الدب القطبي مكتئب و الله انه فالها متكي و عايش بذا البراد و موسع صدره موب حنا الي نكرف بهالشموس

سلطان الحمد لله و الشكر اجل الدب القطبي فالها انت طبيعي و الا شارب شي

عادل و الله لو انك تكرف بهالشموس مثلنا كان تمينت انك دب قطبي

طارق لا, لاتقول حمستني اعيش هالتجربه

فيصل هاهاها ما يمديك يالبعير رح بس خل هالشموس ترضخ فيك بهالبران و انا موسع صدري و اتزلج عالجليد

ناصر افا تراضها على توسع صدرك و انا اخوك شقيقك قاعد احوس على قطرة مويه

فيصل احد قالك صر بعير كان صرت دب على اخوك

فهد هي انتوا محششين اليوم

فيصل لا تونا ما بعد حششنا

عادل اذا حششتوا علموني

طارق بتحشش معنا؟

عادل لا و الله باوديكم للقسم لعلي اخذ ترقيه بسببكمناصر ما يهبى الا انت تودي عيال عمي للقسم و انا موجود

طارق ذيبان يا ولد عمي

ناصر لا تنسانا من الحشيش

طارق ابشر كم قطعة تبي؟

سلطان بس عاد انت و إياه لأمردغكم بذا العقال الي على رأسي

فيصل تكلم هادم اللذات يا اخي حنا داخلين جو لا تطير هالكم قطعة من روسنا

سلطان لو يسمعكم احد يصدق انكم تحششون

طارق يبي يطفر سلطان و من قالك اننا ما نحشش

سلطان الحمد لله و الشكر بس اشك بعقولكم و الله

أبو عبد العزيز بس عاد ياعيال كل ما جيتوا تهاوشتوا و أنتي ياحنان روحي للخدامات خلهم يجيبون لنا شي بارد نشربه دبلت كبودنا هالقهوه و الشاهي بذا الحر

حنان: ابشر يبه انا الي بخدمك بنفسي بس و ش تبي تشرب؟

أبو عبدالعزيز: اي شي بارد

سألت حنان الرجال و الحريم عن الي يبون يشربونه و وصلت عند الشباب الي كانت وجود تتهاوش معهم

حنان: هاه شباب و ش تشربون؟

ناصر عسل يا عسل

وجود: عنك يمه روحي ارتاحي انا بجيب لهم الي يبون

وراحت عند ناصر هاه و ش تشرب؟

ناصر حليب يابقره

وجود:ضف و جهك , و أنت طويرق و ش تبي؟

طارق: حليب بس خلفات مو بقر خبرك محاكيك بعير

وجود:مالت عليكم و الله نقوتكم فيصل و سلطان هم الي ينوخذ رأيهم و إلا انتوا لوتمتون ما جبت لكم شي

ريم تحاكي هيفاء: شوفي الكلبه و جيد ما لقت الا فيصل هين بأطب ببطنها

هيفاء قالت سلطان بعد

ريم: ايه سلطان تخاف منه بس فيصل لا ,تستهبل ام راس يبيلها تكفيخ

راحت وجود عند سلطان الي كانوا يحترمونه لأنه هو الكبير و العاقل و الرزين بالعايله و أكثرهم غموض

وجود: لو سمحت سلطان و ش تبي تشرب؟

سلطان اي شي بارد

وجود: و أنت فيصل

فيصل الي يحب يقهر ريم لأنه عارف انها تحبه و الله ياوجود كل شي يجي منك حلو على قلبي

ريم شوي و تغتال فيصل

منى: ريوم هدي شوي تراه يدري انك تحبينه و يتغلى و إلا هو اصلا يموت فيك بس تعرفين حركات الشباب

**********************

بيت ام محمد الجدة سارة)

في مجلس الحريم كانوا الحريم الكبار بجهة و البنات بجهة ثانية =بالتاكيد ام محمد ما عندها فتيات بس اربع اولاد و كلهم متزوجين و عندهم عيال

أسماء فتاة عم سارة: سارة تعالى معي شوي برى ابيك بسالفة

سارة طلعت مع اسماء خير اسماء

أسماء و ش رأيك نروح فوق بغرفتك احسن

سارة و الله من البثاره بذا الادميه يلا

دخلت سارة الغرفة هي و اسماء الي سكرت الباب و طلعت جوالها و دقت رقم

أسماء: الو هلا لحظه شوي و مدت الجوال لسارة

سارة: و ش السالفة؟

أسماء: ذلك صالح يبي يبارك لك بالنجاح

سارة خذت الجوال بعبنوته و سكرت بدون ما تكلم

أسماء: ليه؟

سارة: و ش الي ليه خير ان شاء الله من متى نكلم رجال غرب علينا و مو محارمنا

أسماء: ذلك مو غريب ذلك ولد عمك و يبي يبارك لك

سارة: و اذا هو ولد عمي عادي اكلمه و اكلم كل عيال عماني

أسماء بس ذلك غير و أنتي تعرفين

سارة: اسماء هالسالفه شيليها من راسك صالح زيه زي اخوي عبدالله و خالد فاهمه و إلا لا و ان عدتي هالسالفه ما راح يصير لك خير

أسماء: سارة حرام عليك و الله صالح يحبك و يموت عليك و يتمنى يسمع منك كلمه و حده بس

سارة عصبت: و انا ما احبه ما احبه عجزت و انا اقولك انتوا ما تفهمون

أسماء: و ليش عاد و الله انه ينحب و تراه ناوي يخطبك من عمي

سارة خلاص و صلت لحد ما تقدر تتحمل كلام اسماء لأنها عارفه لواحد خطبها من ابوها و أبوها شاف انه كفو ما راح يرفضه و ما راح يشاورها

سارة اسماء افهميني الله يخليك انا ما ابي اتزوج قبل لااخلص الجامعة و صالح انا اعزه مثل اخواني و ما ني متخيلته زوج لي فا الله يوفقك قولي لصالح لا يستعجل و يخطبني خليه يصبر فتره على الأقل لين نتخرج ما تدرين ممكن ربي يهديني

أسماء: يعني اذا انتظر لين ما تخلصين الجامعة بتوافقين عليه

سارة الي اضطرت تكذب لأنها عارفه ان ولد عمها يبيها و لو بالغصب: اذا ربك اراد باوافق بس خليني اخلص الجامعة اول بس و الله لو خطبني قبل لا اخلص ما راح اخذه لو تنطبق السماء على الأرض

جت سوسن يالله يا فتيات امي سارة تقول انزلوا تعشوا نزلت سارة و أمل و تعشوا

**********************

راحت وجود للمطبخ و قالت للخدامات يجيبون العصير و رجعت للبنات

جواهر الي راحت لفتيات اخوها هاه فتيات اشوف عيونكم ما طاحت من على الشباب

اصايل لاياعمتي لاتعمميين ترى به المخطوبة بيننا

جواهر غثيتينا عاد ندري انك مخطوبة انا اقصد الباقين

العنود: و ش تبين عاد ياعمتي تبينا نسكر عيوننا ثم من زينهم هالشباب كل واحد اشين من الثاني

جواهر لا و الله يحصلون لك انتي و وجهك . بس ابي اعرف من السنعه الي فيكم

البنات بصوت واحد: كلنا سنعات

جواهر:لاوالله ما فيكم احد سنع الا الي بتجيب الرأس الكبير

وجود: اي راس

جواهر:انطمي انتي بلا بزران انا احاكي الكبار,من فيكم بتطيح سلطان على و جهه و تجيب رأسه و تخليه يأخذها

اصايل الحمد لله انا سنعه انخطبت و ارتحت

منى افا يا عمتي عاد ما لقيتي الاهالسليطين نجيب رأسه اسفه انا ما نيب سنعه

هيفاء و أنا اخته من الرضاعة

ريم و أنا اخته الصدقيه

كلهم ناظروا العنود

العنود: هي انتوا و ش تناظرون لو تمتون ما نيب محاوله ما لقيتوا الا سلطان الموت اهون ,أصلا الي بتجيب رأسه ما بعد جابتها امها اقول خلو السناعه لكم انا ما ابيها

بالتاكيد وجود مسويه نفسها حرمه خلاص انا اجيب رأسه

جواهر ما بقى الاهي انطقي بس لا اعلم عليك امك

وجود تتحدون اوريكم

بالتاكيد اروى طبعها تشيل الكلام راحت و قالت لاخوها فيصل الي ما ت من الضحك بعد ما هاوشها و هزئها بس عجبته السالفة و قال للشباب بالتاكيد سلطان ضحك على البزر وجود و كان مستعد لحركات البثاره الي بتسويها و الشباب ناوين يشرشحونها جت وجود و جلست عند سلطان و الكل ساكت و مسوي نفسه مشغول بشي بس يبون يسمعون

وجود: و ش اخبارك سلطان؟

سلطان و هو ما سك نفسه تمام, و ش تبين؟

وجود بخوف ما ابي شي بس بسولف بها شي

سلطان:لا ما بها شي بس روحي سولفي مع البنات

وجود سولفت معهم و الحين ابي اسولف معك

سلطان يلا سولفي

وجود و هي ما تدري و ش تقول من الخوف من سلطان الي الكل يهابه: انت تعرف تتكلم انجليزي صح

سلطان: ايه اعرف

وجود: زين يمكن تعلمني و دي اتعلم

سلطان: اسف و قتي ما يسمح لي ثم معاهد اللغات و ش كثرها سجلي بواحد منها و تعلمي

وجود: طيب اكيد انت تعرف للرياضيات

سلطان ياصبر ايوب ايه اعرف ليش؟

وجود ابغاك تدرسني

فهد هي انتي ام رأس مسويه دافوره ترانا عطله

وجود: ما لك دخل انا احاكيه ما حاكيتك

سلطان صادق فهد ترانا عطله

وجود: ايه علشان اذا بدت الدراسة اصير عارفه المنهج يقولون رياضيات ثالث متوسط صعبه

سلطان الي بدا يعصب: اقول روحي دوري مدرسة ابتدائي و إلا متوسط تدرسك تخصصي ما جستير ادارة اعمال تبيني اتفرغ لتدريس فتاة بثالث متوسط

الشباب كلهم ضحكوا على وجود الي عصبت

وجود سلطان سكتهم يضحكون علي

سلطان اقول تراني كبر ابوك قولي عمي سلطان فاهمه

طلعت وجود معصبه و تحاكي نفسها هين ياسلطان ان ما خليتك انت الي تترجاني علشان اكلمك ما اكون وجود و ذيك الساعة انا الي ابطنشك

حنان راحت عند الشباب من الي زعل بنيتي فيكم

سلطان: انا

حنان: و ليش و ش سوت عاد, حرام عليكم

سلطان ياحليلها طموحه تبي تجيب راسي و أتزوجها

حنان و هي تضحك هذه الساعة المباركة على الأقل تفكني منها

سلطان تخسي ما بقى الا هي اخذ و حده اربيها ثم تراك مدلعتها مره

حنان توها صغيره

ناصر اي صغار ثم متى بتغطونها و ش كبرها تقولين بقره

حنان دامها و ش كبرها ليش ما احد منكم ياخذها

الشباب كلهم و ع

حنان حرام عليكم بنتي ملكة جمال بس غثيثه شوي الله يصلحها و اذا تزوجت بتعقل

سلطان انتي تبين تبليشينا ببنتك ما له منها

حنان انت خلك برى المقال مستحيل ازوجك اياها

سلطان عاد انا بموت و اخذها ما لت عليها

حنان لا مو قصدي بس انت ما تصلح لها انت عاقل و راكد ما لها غير احد هالمراجيج نواف و الا ناصر و إلا طارق

نواف و ليش فيصل و فهد برى القائمة على بالك انهم عقال

حنان و هي تناظر فهد و فيصل بنظرات لها معنى: لا مو عقال بس هم دارين ليش

بالتاكيد فيصل يحب ريم و فهد يحب هيفاء و ما احد يعرف الا البنات بس و حنان شاكه بالموضوع

طارق من الحين اقولك لاتخططين على تراني محجوز

نواف لمين

ناصر لناقة ابوي سعود

طارق كل تبن بس

ناصر توك تقول بعير ثم احمد ربك بنزوجك ازين ناقه

طارق ياأخي ليش انت تغث انا لي ساعة اشبك مع فصيل علشان اروح معه للقطب المتجمد و أنت كل شوي تذكرني انني بعير

فيصل لاتحاول ما نيب ما اخذك لو تحب الثريا ما نستقبل بعارين ما بقى الا هي و ش بيقولون عني الدببه اخوه بعير ناوي تقص و جهي

ناصر خلاص طروق خذ و اسطه من ملك الغابه سليطين

سلطان اسف ما احب الواسطات

طارق هين يا سليطين و أنا ناوي اعرفك على ذيك اللبوه السنعه الي تقول للقمر قم و انا اجلس محلك

سلطان من جدك؟

طارق افا عليك و ش اوصف و ش اخلي جمال و بياض و شعر و عيون لا و راعية مطبخ بعد

نواف هذه مواصفات لبوه

سلطان و ش دخلك كمل طروق ما عليك منه

فهد ابشر بالترقيه يا عادل كل ما لهم و يزيدون واحد

جاء الجد سعود: يالله ياعيال قوموا تعشوا و خلوا عنكم الحكي الزايد

والكل قاموا يتعشون

******************************************

بعد العشاء الكل راح لبيته و سارة قعدت عند جدتها

أم محمد سارة و انا امك و ش فيك ضايق صدرك عسى ما انتي تعبانه

سارة: لا يمه بس تعرفين بعد الامتحانات تعب و قلة نوم و إرهاق

أم محمد: اجل يمه روحي ارتاحي و نومي و بكره ان شاء الله نقعد و نسولف مع بعض

راحت سارة لغرفتها و على طول اتصلت على مشاعل و قالت لها السالفة

مشاعل: بالله ولد عمك ما يستحي على و جهه ما عنده كرامه و حده ما تبيه الا بالغصب يبيك تحبينه

سارة: المصيبة اخاف يخطبني و انا عارفه ابوي بيوافق على طول خصوصا للابن المثالي على قول خالد

مشاعل لا تخافين اكيد مو موافق الا بموافقتك

سارة: انتي ما تعرفين ابوي من عقب نجوى اختي يوم ترفض كل الي خطبوها لين ما تخلص دراسة و تتوظف, خلاص حرم انه يشاور البنت على قوله بغت تعنس وصل عمرها28 يوم تتزوج و هند مسكينة اول ما انخطبت و افق بدون ما يأخذ رأيها يقول الكفو ما ينرد

مشاعل ايه بس انتي غير و دلوعته و ولد عمك بعد توه صغير و طالب يعني ما بعد كون نفسه

سارة: اي مو علشانه صويلح الحقنه اكيد بيوافق ابوي معجب به يقول يدرس و يشتغل مع ابوه بنفس الوقت و أخلاقه زينه

مشاعل: قولي امين يخطبك واحد سنع و يجيك عى ذاك الخيل الابيض و يأخذك قبل ما يخطبك صويلح و يوافق ابوك

ساره و ش شريط الفيديو الي شايفته قبل شوي؟

مشاعل بغباء انا قعدت شوي مع بزران عمتي حطيت لهم سالي ثم سندريلا

ساره بعذرك تقولين خيل ابيض . به احد يركب خيول الحين

مشاعل خلاص و لا يهمك يجيك ان شاء الله بجمس ملكي

ساره تخسين تجيبين لي سواق ما به شباب يسوقون جموس انا ابي bmw

مشاعل الي تبين اهم شي تفتكين من علة صويلح

سارة: تصدقين انا ما ابي اتزوج توني صغار ابي ادرس و أتخرج

مشاعل طيب انتي اهدي الحين و ان شاء الله ربي بيفرج همك و روحي صلى ركعتين و ادعي ربك و خلي الباقي على رب العالمين

سارة يلا اجل ما اطول عليك اكلمك بعدين

مشاعل: يلا مع السلامة

سارة: مع السلامة

وش بيصير مع ساره و ولد عمها و هل وجود بتقدر على سلطان !!

يتبع لها جزء تاني
لا تبخلوا بالتعليقات

رواية سلطان الحب

صور

43 views